| e-texts navigator |
| བོད་ཡིག |
36a1 ri rab kyi steng gi gzhir rtses te 'ongs pa shes par gyis shig/ grogs po dag da ltar gang gi dus la bab par soms shig/ de nas lha rnams kyi dbang po brgya byin gyis glang po che'i
36a2 rgyal po rab brtan la bsams so/ / de nas glang po che'i rgyal po rab brtan gyis lha'i dbang po brgya byin gyi mtshan ma rtogs nas/ dper na skyes bu stobs dang ldan pas lag pa bskum pa las brkyang
36a3 ba 'am/ brkyang ba las bskum pa bzhin du/ glang po che'i rgyal po rab brtan 'dzam bu gling nas mi snang bar gyur te/ sum cu rtsa gsum pa'i lha rnams kyi nang du song ngo // song nas mgo sum cu
36a4 rtsa gnyis mngon par sprul te/ mgo re re la mche ba drug drug/ mche ba re re la rdzing bu bdun bdun/ rdzing bu re re la pad+ma bdun bdun/ pad+ma re re la sdong bu bdun bdun/ sdong bu re re la lha'i bu mo bdun
36a5 bdun/ lha'i bu mo re re la g.yog mo bdun bdun/ g.yog mo re re la sil snyan bdun bdun mngon par sprul te/ mgo bo de dag thams cad kyi nang na khyad par du 'phags pa gang yin pa de la lha'i dbang
36a6 po brgya byin zhon no/ / de las gzhan pa'i mgo bo lhag ma rnams la ni nye ba'i dbang po sum cu rtsa gnyis po rnams zhon no// de las gzhan pa'i glang po che rnams la ni/ de las gzhan pa'i sum cu rtsa gsum pa
36a7 rnams zhon no/ / de shin tu mgyogs te/ dper na 'jig pa'i rlung ngam/ chag pa'i rlung bzhin te/ de na lha 'am/ lha'i bu mo su yang 'di snyam du 'di ni bdag gi mdun du 'gro'o zhe'am/ phyi nas 'ong ngo snyam du sems pa med do//
iiif viewer powered by OpenSeadragon
Texts on this page
S313 - 'jig rten gzhag pa