| e-texts navigator |
| བོད་ཡིག |
369b1 de yis bzang spyod smon lam 'di brjod na// myur du ma lus yongs su byang bar 'gyur// ye shes dang ni gzugs dang mtshan rnams dang // rigs dang kha dog rnams dang ldan par 'gyur// bdud dang mu stegs
369b2 mang pos de mi thug/ 'jig rten gsum po kun na'ang mchod par 'gyur// byang chub shing dbang drung du de myur 'gro// song nas sems can phan phyir de 'dug ste// byang chub sangs rgyas 'khor lo rab tu bskor//
369b3 bdud rnams sde dang bcas pa thams cad 'dul// gang yang bzang po spyod pa'i smon lam 'di// 'chang ba dang ni ston tam klog pa yi// de yi rnam par smin pa sangs rgyas mkhyen// byang chub mchog la som
369b4 nyi ma byed cig/ 'jam dpal dpa' bos ji ltar mkhyen pa dang // kun tu bzang po de yang de bzhin te// de dag gi ni rjes su bdag slob cing // dge ba 'di dag thams cad rab tu bsngo// dus gsum gshegs
369b5 pa rgyal ba thams cad kyis/ / bsngo ba gang la mchog tu bsngags pa des// bdag gi dge ba'i rtsa ba 'di kun yang // bzang po spyod phyir rab tu bsngo bar bgyi// bdag ni 'chi ba'i dus byed gyur pa na// sgrib
369b6 pa thams cad dag ni phyir bsal te/ mngon sum snang ba mtha' yas de mthong nas// bde ba can gyi zhing der rab tu 'gro// der song nas ni smon lam 'di dab kyang // thams cad ma lus mngon sum 'gyur
369b7 par shog/ de dag ma lus bdag gi yongs su bskang // 'jig rten ji srid sems can phan par bgyi// rgyal ba'i dkyil 'khor bzang zhing dga' ba der// pad+mo dam pa shin tu mdzes las skyes// snang ba mtha' las
iiif viewer powered by OpenSeadragon
Texts on this page
S321 - 'phags pa bzang po spyod pa'i smon lam gyi rgyal po