| e-texts navigator |
| བོད་ཡིག |
367a1 gis byang chub phyir bsngo'o/ / 'das pa'i sangs rgyas rnams dang phyogs bcu yi// 'jig rten dag na gang bzhugs mchod par gyur// gang yang ma byon de dag rab
367a2 myur bar/ / bsam rdzogs byang chub rim par sangs rgyas spyon// phyogs bcu gang+gA'i zhing rnams ji snyed pa// de dag rgya cher yongs su dag par gyur// byang chub shing dbang drung gshegs rgyal ba dang /
367a3 sangs rgyas sras kyis rab tu gang bar shog/ phyogs bcu'i sems can gang rnams ji snyed pa// de dag rtag tu nad med bde bar gyur// 'gro ba kun gyi chos kyi don rnams ni// 'thun par gyur cing re ba'ang 'grub
367a4 par shog/ byang chub spyod pa dag ni bdag spyod cing // 'gro ba kun tu skye ba dran par gyur// tshe rabs kun tu 'chi 'pho skye ba na// rtag tu bdag ni rab tu 'byung bar shog/ rgyal ba kun gyi rjes su slob gyur te// bzang
367a5 po spyod pa yongs su rdzogs byed cing / / tshul khrims spyod pa dri med yongs dag par// rtag tu ma nyams skyon med spyod par shog/ lha yi skad dang klu dang gnod sbyin skad// grul bum dag dang mi yi skad rnams
367a6 dang / 'gro ba kun gyi skad rnams ji tsam par// thams cad skad du bdag gis chos bstan to// des shing pha rol phyin la rab brtson te// byang chub sems ni nam yang brjed ma gyur// sdig pa gang rnams
367a7 sgrib par gyur pa dang / / de dag ma lus yongs su byang bar shog/ las dang nyon mongs bdud kyi las rnams las// grol zhing 'jig rten 'gro ba rnams su yang // ji ltar pad+mo chus mi chags pa bzhin/
iiif viewer powered by OpenSeadragon
Texts on this page
S321 - 'phags pa bzang po spyod pa'i smon lam gyi rgyal po