rKTs

e-texts navigator

Volume

Page

31b₁ pa byed pa dang / bsod nams byed pa dang / tshe 'di dang tshe phyi ma la kha na ma tho ba rnams kyis 'jigs par lta ba dang / sbyin pa dag sbyin zhing bsod nams dag byed pa dang / gso sbyong la nges par gnas
31b₂ pa dang / tshul khrims yang dag par blangs nas/ 'dug pa dag mang ba ni mi rnams kyi chos mdzes so// rkyen du bab bo// legs so// dge'o// de ltar na lha rnams kyi tshogs ni mngon par 'phel
31b₃ bar 'gyur la/ lha ma yin rnams kyi tshogs ni yongs su 'grib par 'gyur ro zhes smos so// de nas lha rnams kyi dbang po brgya byin gyis/ lha'i 'khor rab tu dga' la bde zhing yid bde ba skyes par
31b₄ rig nas/ de'i tshe tshigs su bcad de smras pa/ 'dir ni zla ba phyed dang tshes brgyad dang // de bzhin bcu bzhi bco lnga dang // cho 'phrul gyi ni zla phyed la'ang // gso sbyong yan lag brgyad pa la// shin tu
31b₅ mnyam gzhag gnas byed 'dir/ / nga ci 'dra ba de bzhin 'gyur// dge slong dag lha rnams kyi dbang po brgya byin gyis gang 'di skad du/ 'dir ni zla phyed tshes brgyad dang // de bzhin bcu bzhi bco lnga dang /
31b₆ cho 'phrul gyi ni zla phyed la'ang // gso sbyong yan lag brgyad pa la// shin tu mnyam gzhag gnas byed 'dir// nga ci 'dra ba de bzhin 'gyur// zhes tshigasu bcad pa smras pa de ni nyes par smras pa yin
31b₇ gyilegs par smras pa ma yin no/ / nyes par ston pa yin gyi/ legs par ston pa ma yin no// nyes par brjod pa yin gyi/ legs par brjod pa ma yin no// dge slong dag/ de ci'i phyir zhe na

_{iiif viewer powered by OpenSeadragon}

31a - 32a

Texts on this page