| e-texts navigator |
| བོད་ཡིག |
28a1 ba shal nas/ glang po che'i rgyal po rab tu brtan pa la 'bul/ gang gi tshe glang po che'i rgyal po rab tu brtan pa zos shing 'thungs te/ 'grangs par gyur pa de'i tshe/ glang po che gzhan
28a2 brgyad stong po de dag kyang rdzing bu re rer zhugs nas/ rtse zhing dga' la dga' dgur spyod de/ pad+ma'i rtsa bdag blangs shing shin tu bkrus shing rab tu bshal te za'o// sum cu rtsa gsum pa'i lha rnams kyi glang
28a3 po che'i rgyal po g.yul ngor spyad pa rab tu brtan pa'i mthu ni de tsam mo/ / sems can thams cad ni srungs ma dang bcas shing srung ba dang / skyob pa dang / sbed pa dang mi 'bral te/ sems can gang dbang chung bar
28a4 grags shing bsod nams chung la/ gzi brjid chung ba de dag ni/ brgya phrag mang po dang / stong phrag mang po la gcig bsrung ste/ dper na ba lang mang po dang / lug brgya phrag mang po dang / stong phrag mang po
28a5 la gcig gis bsrung ba de bzhin du/ sems can gang dbang chung bar grags shing / bsod nams chung la/ gzi brjid chung ba de dag ni brgya phrag mang po dang / stong phrag mang po la gcig bsrung ngo // sems
28a6 can dbang che bar grags shing / bsod nams che ba gzi brjid che ba de dag ni brgya phrag mang po dang / stong phrag mang po dag gis gcig pu bsrung ba ste/ dper na 'khor lo sgyur ba'i rgyal po 'am/ de bzhin
28a7 gshegs pa dgra bcom pa yang dag par rdzogs pa'i sangs rgyas la brgya phrag mang po dang / stong phrag mang po dag gis gcig pu bsrung ba de bzhin du/ sems can gang dbang che bar grags shing / bsod
iiif viewer powered by OpenSeadragon
Texts on this page
S313 - 'jig rten gzhag pa