| e-texts navigator |
| བོད་ཡིག |
25a1 gzhi rnams kyang dbyibs legs shing blta na sdug pa la/ mdzes pa gser gyi bye ma bdal cing / tsan dan gyi chus chag chag btab ste/ der yang yid du mi 'ong ba shing ngam/ gseg
25a2 ma 'am/ gang ci yang rung ba dag lhung na/ de mi ma yin pa rnams kyis rlung gi mthus phyi rol du 'dor ro// de'i lam srid du dpag tshad nyi shu/ zheng du dpag tshad phyed dang gnyis yod pa/ dbyibs legs
25a3 shing blta na sdug la mdzes pa/ gser gyi bye ma bdal zhing / tsan dan gyi chus chag chag btab pa zhig yod de/ der yang yid du mi 'ong ba'i shing dang / gseg ma 'am/ gang ci yang rung ba dag lhung na/
25a4 de mi ma yin pa rnams kyis rlung gi mthus phyi rol du 'dor ro// brag bya skyibs lha ma yin gyi ngos de'i byang phyogs dpag tshad nyi shu na/ shing sA la'i rgyal po chen po rab tu brtan pa zhes bya ba sA la'i 'phreng
25a5 ba rim pa bdun gyis bskor ba zhig yod de/ sA la'i rgyal po rab tu brtan pa de'i rtsa ba ni/ 'dom bcu bzhi thur du zug go/ sa la'i 'phreng ba dang po'i rtsa ba na 'dom bcu gsum thur du zug go// gnyis
25a6 pa'i ni bcu gnyis so/ / gsum pa'i ni bcu gcig go// bzhi pa'i ni bcu'o// lnga pa'i ni dgu'o// drug pa'i ni brgyad do// sA la'i 'phreng ba bdun pa'i rtsa ba ni 'dom bdun thur du zug go/ sA la'i
25a7 rgyal po rab tu brtan pa de'i yal ga dang / lo ma dang / yan lag rnams gang yin pa de ni/ sA la'i 'phreng ba dang po la thug go// 'phreng ba dang po'i yal ga dang / lo ma dang / yan lag gang yin pa de ni
iiif viewer powered by OpenSeadragon
Texts on this page
S313 - 'jig rten gzhag pa