| e-texts navigator |
| བོད་ཡིག |
24a1 zhes bya ba yod do/ / ri'i rgyal po spos kyi ngad ldang nas dpag tshad bcu'i tshu rol na mtsho chen po chu zhes bya ba zhig yod de/ ma thos pa zhes kyang bya'o// mtsho chen po chu zhes bya ba de la
24a2 chur dpag tshad lnga bcu/ zheng du dpag tshad lnga bcu yod do// mtha' skor du ni dpag tshad nyis brgya yod de/ dbyibs legs shing blta na sdug la mdzes pa chu bsil zhing chu sbrang rtsi lta bus gang la me
24a3 tog ut+pal dang / pad+ma dang / ku mu ta dang / pad+ma dkar pos kun tu khebs par 'dug go/ de'i nang nas klung chen po bzhi 'di lta ste/ gang+gA dang / sin du dang / si ta dang / paka shu dang / 'di
24a4 rnams 'bab ste/ gang+gA ni shar phyogs nas glang po che'i kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu shar phyogs kyi rgya mtsho chen por
24a5 'gro'o/ / sin du ni lho phyogs nas khyu mchog gi kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu lho phyogs kyi rgya mtsho chen por 'gro'o//
24a6 paka shu ni nub phyogs nas rta'i kha nas 'bab ste/ de ni mtsho chen po chu zhes bya ba g.yas phyogs su bskor nas/ klung lnga brgya dang lhan cig tu nub phyogs su rgya mtsho chen por 'gro'o// si ta ni byang phyogs
24a7 nas seng ge'i kha nas 'bab ste/ de ni mtsho chen po chu zhes bya ba g.yas phyogs su bskor te/ klung lnga brgya dang lhan cig tu byang phyogs kyi rgya mtsho chen por 'gro'o// 'di skad du/ byang phyogs kha dgur 'gyur
iiif viewer powered by OpenSeadragon
Texts on this page
S313 - 'jig rten gzhag pa