rKTs

e-texts navigator

Volume

Page

202a₁ slar lo brgyad khri par gyur te/ de lta bur sems can gyis thog ma tshe lo brgyad khri las bcur 'gribs/ bcu las slar brgyad khrir skyes pa de lta bu gcig la/ bskal pa bar la
202a₂ gcig go/ de lta bu nyi shu 'das na/ mes 'jig pa'i bskal pa 'byung ste/ nyi ma 'di nyid sems can gyi las kyis na/ nyi ma bdun shar te/ rab tu bsreg go// nyi ma gnyis shar ba'i tshe ni/ char pa yang
202a₃ mi 'bab/ gsum shar ba'i tshe/ stong gsum gyi stong chen po'i 'jig rten gyi rtswa shing kun bskams so// nyi ma bzhi shar ba'i tshe ni/ lteng ka che chung kun bskams so// nyi ma lnga shar ba'i tshe ni/ stong
202a₄ gsum gyi stong chen po'i chu bo dang / chu bran thams cad bskams so// drug shar ba'i tshe ni/ rgya mtsho chen po thams cad bskams so// bdun shar ba'i tshe ni/ stong gsum gyi stong chen po'i 'jig rten
202a₅ gyi khams zur du ni rlung gi dkyil 'khor la thug/ gyen du ni tshangs chen la phug gi bar du bsregs te/ de ltar bskal pa bar ma nyi shu'i bar du bsregs te/ kun thal bar byas so// de nas bskal pa
202a₆ babar ma nyi shu'i bar du ni stong par gnas so/ / de nas bskal pa bar ma nyi shu'i bar du 'jig rten kun slar 'jug ste/ 'dzug pa'i thabs ni gzhi nam mkha' dang rlung las blangs shing / rim par 'jug pa ni
202a₇ gong ma bzhin no/ / sa gzhi zug nas bskal pa bar ma nyi shu'i bar du ni/ sems can gnas te/ de lta bur bskal pa bar ma brgyad cu 'das pa la ni/ bskal pa chen po gcig ces bya'o// de nas yang slar

_{iiif viewer powered by OpenSeadragon}

201b - 202b

Texts on this page