rKTs

e-texts navigator

Volume

Page

195a₁ sems can gyi las kyis ni/ 'dzam bu'i gling nas gyen du dpag tshad bzhi khri'i steng na/ ri zung 'dzin gyi rtse mo phog thag/ ri rab la 'khor zhing 'jig rten du rims kyis snang bar byed de/
195a₂ nyi ma'i gzhal yas kyi dkyil 'khor kho ra khor yug tu dpag tshad lnga bcu rtsa gcig yod do// zla ba'i gzhal yas khang gi dkyil 'khor kho ra khor yug tu dpag tshad lnga bcu yod do// nyi ma'i gzhal yas khang ni nyi ma dang
195a₃ ba zhes bya ba'i rin po che yin pas na/ 'od dro bar 'gyur ro// zla ba'i gzhal yas khang ni zla ba dang ba zhes bya ba'i nor bu rin po che yin pas na/ 'od bsil te/ de ltar dro zhing bsil te/ gzhan gyis byas pa med do//
195a₄ rgyu skar rnams kyang nyid sems can te/ sems can phal gyi las kyis na/ ltas bzang ngan ston cing / 'khor ba'i rgyud ni nyi zla bzhin no// nam 'dzam bu'i gling du nyi ma shar ba na/ shar phyogs su phyed do//
195a₅ 'dzam bu'i gling du nyi ma phyed pa na/ nub phyogs su shar to// 'dzam bu'i gling du nyi ma nub pa na/ nub phyogs su nyi ma phyed de/ gling bzhi yang de ltar rig par bya ste/ zla ba'i rgyud kyang de bzhin no// dgun nam ring
195a₆ zhing nyi ma thung / dpyid ston nyin mtshan mnyam pa ni/ 'dzam bu gling gi lho phyogs su nyi ma song ba'i tshe ni nam ring / byang phyogs su song ba'i tshe ni nyi ma ring ngo // ston zla ra ba'i tshes nyi shu bzhi nas/ dpyid zla ra ba'i
195a₇ tshechos nyi shu gsum gyi bar du ni nam ni khad kyis ring / nyi ma ni khad kyis thung ngo // dpyid zla ra ba tshes nyi shu bzhi nas dbyar zla tha chung tshes nyi shu gsum gyi bar du/ nyi ma ni khad kyis skye/ nam khad kyis 'bri'o

_{iiif viewer powered by OpenSeadragon}

194b - 195b

Texts on this page