rKTs

e-texts navigator

Volume

Page

193b₁ bya ba la sogs pa lnga brgya yod do/ / gling sgra mi snyan gyi dbyibs ni gru bzhi ste/ ngos gcig kyang dpag tshad brgyad stong yod do// nub phyogs kyi gling ni nub kyi ba lang spyod ces bya ste/ de'i 'khor gling phran na
193b₂ g.yo dang blor lhag ces bya ba la sogs pa lnga brgya yod do/ / gling ba lang spyod de'i dbyibs ni zla ba nya ba'i bzhin du zlum ste/ kho ra khor yug srid du dpag tshad drug stong lnga brgya yod do// 'dzam bu'i gling
193b₃ 'og thur du dpag tshad nyi khri las 'das pa na/ sems can dmyal ba chen po mtshams med pa zhes bya ba yod do// dbyibs gru bzhi ngos gcig kyang srid dpag tshad nyi khri nyi khri yod do// 'phang du yang de
193b₄ bzhin no/ / sems can gang las thams cad gcod par byed pa'i sdig can rnams ni gnas der skye'o// de na sdug bsngal shin tu gnod pa mi bzad pa'i rgyun bar chad pa med pas na/ mtshams med
193b₅ pa zhes bya'o/ / de'i steng na sems can dmyal ba rab tu tsha ba zhes bya ba yod do// de'i steng na sems can dmyal ba tsha ba zhes bya'o// de'i steng na cher 'bod pa zhes bya'o// de'i steng na 'bod pa zhes bya'o//
193b₆ de'i steng na gzhor ba zhes bya ba yod do// de'i steng na thig nag ces bya ba yod do// de'i steng na phyir 'tsho zhes bya ba sems can dmyal ba chen po 'di dang brgyad yod do// re re la yang 'khor sems can
193b₇ dmyal ba la ngos ngos na 'khor bar 'dug ste/ sems can zhe sdang gi gzhi sdig pa che ba rnams tsha ba'i na rag de dag tu rims kyis 'gro'o// gzhan yang 'dzam bu'i gling gi 'og/ tsha ba'i sems can/

_{iiif viewer powered by OpenSeadragon}

193a - 194a

Texts on this page