| e-texts navigator |
| བོད་ཡིག |
192b1 shar phyogs na ni gnas srungs po zhes bya ba gnas so// lho phyogs na ni 'phags skyes po zhes bya ba gnas so// nub phyogs na ni mig mi bzang zhes bya ba gnas so// byang phyogs na ni ngal bso bo zhes bya ba
192b2 gnas te/ 'jig rten skyong ba'i rgyal po chen po de bzhi so so na gnas te/ ri rab kyi rtse mo'i steng ni gru bzhi ste/ ngos gcig kyang dpag tshad nyi khri nyi khri yod do// de'i grwa re re na ngos gcig kyang dpag tshad lnga brgya
192b3 pa/ rin po che'i khang bu brtsegs pa/ grwa bzhi pa re re yod do// de'i nang na lag na rdo rje zhes bya ba'i gnod sbyin rnams gnas so// ri rab kyi rtse mo'i dbus na/ brgya byin lha'i dbang po'i gnas bzang snang zhes bya
192b4 ba de'i grong khyer chen po yod do/ / ngos gcig kyang srid dpag tshad nyis stong lnga brgya'o// 'phang du dpag tshad phyed dang gnyis te thams cad kyang rin po che las byas so// grong khyer de'i dbus na brgya byin gyi lha khang
192b5 chen po rin po che las byas pa yod do/ / ngos gcig kyang srid du dpag tshad nyis brgya lnga bcu yod do// grong khyer bzang snang de'i phyogs bzhin/ lha rnams rol pa'i sa/ skyed mos tshal chen po bzhi yod do//
192b6 gcig gi ming ni shing rta brgyan ces bya ba dang / khra bo zhes bya ba dang / 'dres tshal zhes bya ba dang / dga' tshal zhes bya ba dang bzhi'o// de'i shar phyogs dang / byang gi mtshams na/ sum cu rtsa gsum pa'i
192b7 lha thams cad kyi bsam pa rdzogs par byed pa yid bzhin gyi nor bu dang 'dra ba'i bskal pa'i shing kun 'byung zhes bya ba yod do/ / ri rab kyi steng lho dang nub gnyis kyi mtshams na ni/ lha rnams kyi 'dun sa chos
iiif viewer powered by OpenSeadragon
Texts on this page
S315 - mdzod dang 'jig rten brjod pa'i mdo bam po gcig go