rKTs

e-texts navigator

Volume

Page

191a₁ lam ni ji lta bur sgom/ smras pa/ de thams cad sems can gyi las las gyur te/ 'jig rten gyi gzhi ji lta bur gnas shes pa ni/ de 'di lta ste/ sa 'di'i 'og ni gser gyi/
191a₂ gzhi'o// de'i 'og na chu'i dkyil 'khor ro// de'i 'og na rlung gi dkyil 'khor te/ rlung gi dkyil 'khor de'i 'og na nam mkha' ste/ de nam mkha' la gnas so// rlung gi dkyil 'khor de'i 'phang gi
191a₃ tshad ni dpag tshad 'bum drug khri yod do/ / zheng la ni tshad med do// rlung gi dkyil 'khor gyi brdams ni/ mthu bo che'i rdo rjes kyang yong mi tshugs so// rlung gi dkyil 'khor de'i steng na/ chu'i dkyil 'khor
191a₄ ni rlung de la sa ba tshwa'i sprin langs te/ char gnya' shing tsam gyi rgyun babs nas/ chu'i dkyil 'khor du gyur to// de'i 'phang tshad ni dpag tshad 'bum sum khri yod do// de la rlung chen po langs te/ srubs shing
191a₅ brlangs nas dbu bar gyur/ dbu ba las 'azas te/ gser gyi sa gzhir gyur te/ dpe 'o ma'i spris ma dang 'dra'o// de'i 'phang tshad ni dpag tshad lnga khri yod do// 'og gi chu dang gser gyi gzhi de gnyis ka'i
191a₆ 'phang tshad ni/ dpag tshad 'bum brgyad khri yod do// chu'i dkyil 'khor gyi zheng dang / gser gyi sa gzhi'i zheng tshang mnyam ste/ dpag tshad 'bum nyi khri sum stong lnga brgya yod do// gser gyi gzhi de'i steng nas/
191a₇ ri rab ri'i rgyal po dang / de'i 'khor gser gyi ri bdun gyen du byung ngo // ri de'i rgyab ni gling chen po bzhi la sogs pa gnas te/ de'i bar dang mtha' ni ba tshwa'i chus gang ngo // de'i yang mtha' ni lcags kyi ri kho ra khor lug

_{iiif viewer powered by OpenSeadragon}

190b - 191b

Texts on this page