| e-texts navigator |
| བོད་ཡིག |
123a1 par smin pas/ sems can dmyal ba'i srungs ma rnams kyis bzung ste/ lcags kyi mtshon gyis dum bu dum bur bcang nas/ lcags kyi gsal shing la btsugs te/ lcags
123a2 kyi deng 'bar zhing rab tu 'bar la/ kun tu rab tu 'bar te/ 'bar ba gcig tu gyur pa'i nang du sreg cing zlog par byed de/ dper na g.yos mkhan gyi sha mtshon gyis dum bu dum bur bcad nas thur ma la
123a3 btsugs te/ mdag ma'i dong bur bsreg cing bsreg cing zlog par byed pa de bzhin du/ sems can dmyal ba'i srungs ma nas/ de lta bu'i tshul gyis zhes bya ba'i bar du thams cad rgyas par brjod par bya'o//
123a4 gzhan yang sems can dmyal ba chen po rab tu tsha bar sems can gang skyes pa dang / 'thon par 'gyur ba'i bar du snga ma bzhin te/ sems can de dag gi sdig pa mi dge ba'i las de'i rnam par smin pas//
123a5 sems can dmyal ba'i srungs ma rnams kyis sems can de dag bzung nas/ lcags kyi mtshon gyis dum bu dum bur bcad de/ lcags kyi sa gzhi 'bar zhing rab tu 'bar la/ kun tu rab tu 'bar te/
123a6 'bar ba gcig tu gyur pa la rab tu bsgre zhing shin tu rdo bar byed de/ dper na g.yos mkhan gyis sha lcags kyi mtshon gyis dum bu dum bur bcad nas snod du bcug ste/ rab tu bsgre zhing shin tu rdo bar
123a7 byed de/ khu ba yang skam par byed pa de bzhin du/ sems can dmyal ba'i srungs ma nas/ de dag de lta bu'i tshul gyis zhes bya ba'i bar du rgyas par bya'o// gzhan yang sems can dmyal ba chen po
iiif viewer powered by OpenSeadragon
Texts on this page
S313 - 'jig rten gzhag pa