rKTs

e-texts navigator

Volume

Page

122b₁ sems can de dag sems can dmyal ba'i srungs ma rnams kyis bzung nas/ dbugs pa'i gnod pa chen po byed de/ de'i mig gi bu gu gnyis nas kyang me 'byung la/ rna ba gnyis dang / sna dang / kha'i nang
122b₂ dang / ba spu'i bu ga thams cad nas kyang me 'byung ste/ de dag de lta bu'i tshul gyis lo mang po zhes bya ba nas/ nam sems can dmyal ba nyams su myong bar 'gyur ba'i sdig pa mi dge ba'i las de gtan
122b₃ nas ma byang ma zad kyi bar du de la sogs pa'i gnod pa mang po dag brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can
122b₄ dmyal ba chen po tsha ba zhes bya ste/ de na sdug bsngal zhing mi bzad pa dang / rtsub shing tsha ba dang / yid du mi 'ong ba'i srog gcod par byed pa las kyi gnod pa gzhan dang / gzhan mang po dag kyang yod de/
122b₅ 'di skad du/ dge sbyong bram ze dge ba dang // de bzhin gang zhig pha ma la/ gnod pa min pas gnod byed pa// de ni tsha bar rab tu sreg/ ces kyang bya'o// bde 'gror 'gro ba'i las dang ni//
122b₆ 'dod pa'i 'bras bu 'gyur ba spong // blo ngan 'dod min las byed pa// de ni rab tu tsha bar sreg/ sems can dmyal ba chen po rab tu tsha ba zhes bya ba la/ ci'i phyir sems can dmyal ba chen po rab tu
122b₇ tsha ba zhes bya zhe na/ smras pa/ sems can dmyal ba chen po rab tu tsha bar sems can gang skyes pa nas/ 'thon par 'gyur ba'i bar du ste/ sems can de dag gi sdig pa mi dge ba'i las de'i rnam

_{iiif viewer powered by OpenSeadragon}

122a - 123a

Texts on this page