| e-texts navigator |
| བོད་ཡིག |
11a1 bdud rtsi'i zas za'o/ / rgyal chen bzhi'i lha rnams ji lta ba de bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul
11a2 dga' ba rnams dang / gzhan 'phrul dbang byed kyi lha rnams kyang de bzhin no// de yan chad la ni kham gyi zas med do// rgyal chen bzhi'i bdud rtsi ni rnam pa bzhi ste/ sngon po dang / ser po dang / dmar po dang
11a3 dkar po rnams so/ / rgyal chen bzhi'i lha rnams ji lta ba bzhin du/ sum cu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang
11a4 byed pa rnams kyang de bzhin no/ / tshangs ris pa rnams la ni meng do// de yan chad la yang med do// ji ltar 'dzam bu'i gling gi mi rnams la yang bshang ba dang gci ba yod pa de bzhin du/ shar gyi lus
11a5 'phags po rnams dang / nub kyi ba lang spyod pa rnams dang / byang gi sgra mi snyan pa rnams la yang yod do// rgyal chen bzhi'i lha rnams la ni med do// de yan chad la yang med do// ji ltar 'dzam bu'i
11a6 gling gi mi rnams la ni/ char 'bab mkhas pa dang / char 'bab mi mkhas pa yod pa de bzhin du/ shar gyi lus 'phags po rnams dang / nub kyi ba lang spyod pa rnams la yang yod do// byang
11a7 gi sgra mi snyan pa rnams dang / rgyal chen bzhi pa rnams la ni med do// de yan chad la yang med do// ji ltar 'dzam bu'i gling gi mi rnams lo legs pa dang mu ge yod pa bzhin du/ shar gyi
iiif viewer powered by OpenSeadragon
Texts on this page
S313 - 'jig rten gzhag pa