rKTs

e-texts navigator

Volume

Page

119a₁ bar du snga ma bzhin te/ sems can de dag gi sdig pa mi dge ba'i las de'i rnam par smin pas/ ri'i sul chen po dag dpag tshad mang po dang / dpag tshad brgya phrag mang po'i bar
119a₂ du snga ma bzhin no/ / de nas sems can de dag der rgyug cing der rab tu rgyug pa nas/ 'byung ba'i thabs tshol ba'i bar du snga ma bzhin no// de dag der zhugs pa nas/ brgya phrag mang po'i nang du zhugs
119a₃ pa'i bar du ste/ de'i tshe ri yul de dag phyir gyed de/ sems can de dag 'jigs pa dang / spangs pa dang / spu ldang bar byed do// de nas sems can de dag 'jigs shing skrag la yi ched de/
119a₄ spu langs nas phyogs gcig tu 'du'o// gang gi tshe brgya phrag mang po dang / stong phrag mang po dang / brgya stong phrag mang po dag 'dus par gyur pa de'i tshe/ r-i de dag phyogs gnyis ka nas 'dus te/
119a₅ sems can de dag bcom zhing rab tu btsem la/ kun tu rab tu btsem mo// bcom zhing rab tu bcom la/ kun tu rab tu btsems nas/ gang gi tshe bsad de shi bar gyur pa de'i tshe phyir 'gyed do//
119a₆ de dag de lta bu'i tshul gyis lo mang po'i bar du rgyas par bya'o// gzhan yang sems can dmyal ba chen po bsdus gzhom du sems can gang skyes pa dang / 'thon par 'gyur ba'i bar du ste
119a₇ sems can de dag gi sdig pa mi dge ba'i las de'i rnam par smin pas/ lcags kyi sa gzhi de'i nang nags tshal dpag tshad mang po nas/ snga ma bzhin no// de nas sems can de dag der rgyug cing der rab tu rgyug la

_{iiif viewer powered by OpenSeadragon}

118b - 119b

Texts on this page