rKTs

e-texts navigator

Volume

Page

116a₁ pas mgo bo dkri bar byed do/ / mgo bo dkris nas mgul pa dkri bar byed do// mgul ba dkris nas phrag pa gnyis dkri bar byed do// phrag pa gnyis dkris nas lag pa gnyis
116a₂ dkri bar byed do/ / lag pa gnyis dkris nas mchan khung gnyis dkri bar byed do// mchan khung gnyis dkris nas sta zur gnyis dkri bar byed do// sta zur gnyis dkris nas brla gnyis dkri bar
116a₃ byed do/ / brla gnyis dkris nas rje ngar gnyis dkri bar byed do// rje ngar gnyis dkris nas long bu gnyis dkri bar byed do// long bu gnyis dkris nas rkang pa'i bol gnyis dkri bar byed do//
116a₄ rkang pa'i bol gnyis dkris nas rgyud de'i thor to nas bzung ste/ sen mo yan chad kyang dkri bar byed do// sems can de dag gi pags pa dang / sha dang / khrag yan chad thams cad phyir 'byung ngo //
116a₅ de la sogs pa de las gzhan pa'i gnod pa rnams kyang brjod par bya ste/ ma bzad pa de dag dang / me tog de dag dang / 'bras bu de dag dang / rnam par spros pa de dag gis na/ sems can dmyal
116a₆ ba chen po thig nag ces bya ste/ de na sdug bsngal zhing mi bzad la/ rtsub cing tsha ba dang / yid du mi 'ong zhing srog gcod par byed pa las kyang gnod pa gzhan dang / gzhan mang po dag kyang yod de/
116a₇ 'di skad du/ bya min byed du 'jug pa dang // mi rnams mdza' bo 'byed pa dang // phra ma brdzun smra smra byed pa// thig nag tu ni skye bar 'gyur// zhes kyang bya'o//

_{iiif viewer powered by OpenSeadragon}

115b - 116b

Texts on this page