| e-texts navigator |
| བོད་ཡིག |
114b1 sems can de dag kyang gcig gis gcig mthong nas/ shi bar gyur nas phyogs gcig tu 'du ba'i bar du snga ma bzhin no// 'khor lo dang / rdo rje rtse gcig pa dang / mtshon rtse gcig pa dang
114b2 'phang mdung dang / gzhu la sogs pa'i mtshon rnams kyang de bzhin du brjod par bya ste/ mi bzad pa de dag dang / me tog de dag dang / 'bras bu de dag dang / rnam par spros pa de dag gis na/
114b3 sems can dmyal ba chen po yang sos zhes bya ste/ de na sdug bsngal zhing mi bzang la rtsub cing tsha ba dang / yid du mi 'ong zhing srog gcod par byed pa las kyi gnod pa gzhan dang / gzhan mang po
114b4 dag kyang yod de/ 'di skad du/ phan tshun 'khon zhing zhe non la// mi rnams mi la gsod pa dag/ lo ni bye ba phrag stong du// sad cing gsad cing phyir yang 'tsho// zhes kyang bya'o// gang dag
114b5 pha ma sangs rgyas dang / / nyan thos rnams la sdang ba ni// dmyal ba chen po thig nag tu// sdug bsngal tshor ba myong bar 'gyur// sems can dmyal ba chen po thig nag ces bya ba la/ ci'i phyir sems
114b6 can dmyal ba chen po thig nag ces bya zhe na/ smras pa/ sems can dmyal ba chen po thig nag tu sems can gang skyes pa dang / kun tu skyes pa dang / byung ba dang / kun tu byung ba nas/ 'thon par 'gyur/
114b7 ba'i bar dag gi sdig pa mi dge ba'i las de'i rnam par smin pas/ sems can dmyal ba'i srungs ma ngag gis/ sems can de dag lcags kyi sa gzhi 'bar zhing rab tu 'bar la/ kun tu rab tu 'bar
iiif viewer powered by OpenSeadragon
Texts on this page
S313 - 'jig rten gzhag pa