| e-texts navigator |
| བོད་ཡིག |
114a1 de dag yang 'tsho bar 'gyur ba'i bar du rgyas par bya'o/ / de nas yang sems can de dag sdig pa mi dge ba'i las de'i rnam par smin pas/ lcags kyi mdung thung lag tu 'ong bar
114a2 'gyur ba nas/ shi bar gyur nas phyogs gcig tu 'du ba'i bar du rgyas par bya'o// gzhan yang sems can dmyal ba chen po yang sos su sems can gang skyes pa nas/ 'thon pa'i bar du snga ma bzhin no//
114a3 sems can de dag gi las de'i rnam par smin pas/ lcags kyi tho ba lag tu 'ong bar 'gyur ro// sems can de dag kyang sems can gcig gis gcig mthong na/ shas cher sdang ba'i sems dang /
114a4 gsad pa'i sems nye bar gnas par 'gyur te/ dper na rngon pa bzhin te/ snga ma bzhin no// de dag tho ba de dag gis gcig la gcig 'joms shing rab tu 'joms la/ kun tu 'joms te/
114a5 bcom zhing rab tu bcom la/ kun tu rab tu bcom nas/ gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o// dus gzhan zhig na sems can dmyal ba chen po yang sos
114a6 su rlung bsil ba ldang ba de'i dus kyang yod la/ de'i skabs kyang yod de/ 'di skad du sems can khyed rnams yang sos par gyur cig/ sems can khyed rnams yang sos par gyur cig ces sgra yang grags par
114a7 gyur te/ de nas yang sems can de dag yang 'tsho bar 'gyur ro// de nas yang sems can de dag gi sdig pa mi dge ba'i las de'i rnam par smin pas/ lcags kyi thob dag lag tu 'ong bar 'gyur ro//
iiif viewer powered by OpenSeadragon
Texts on this page
S313 - 'jig rten gzhag pa