rKTs

e-texts navigator

Volume

Page

110a₁ gang zhe na/ skyes pa 'am/ bud med gang yang rung ste/ tshul khrims dang dge ba'i chos can lus kyi legs par spyod pa dang ldan pa dang / ngag gi legs par spyod pa dang ldan pa
110a₂ dang yid kyi legs par spyod pa dang ldan pa de ni/ gang gi tshe nad kyis thebs shing sdug bsngal bar gyur la/ nad tshabs chen pos btab nas/ khri'u la 'dug gam/ khri la 'dug gam/ sa la
110a₃ 'dug gam/ nyal yang rung ste/ lus kyi tshor ba sdug bsngal zhing mi bzad la rtsub cing tsha ba dang / yid du mi 'ong zhing srog gcod par byed pa rnams kyis thebs na/ de la sngon gyi lus kyi legs par
110a₄ spyod pa 'am/ ngag gis legs par spyod pa 'am/ yid kyi legs par spyod pa yang rung ste/ gang byung ba de de'i tshe de la dmigs par 'gyur zhing cher dmigs la mngon par dmigs par 'gyur te/
110a₅ dper na phye ma red kyi dus su ri chen po rnams sam/ ri'i rtse mo rnams kyi grib ma shod du 'bab cing cher 'bab ste/ mngon par 'bab par 'gyur ba de bzhin du/ de la sngon gyi lus kyi legs par spyod
110a₆ pa 'am/ ngag gis legs par spyod pa 'am/ yid kyi legs par spyod pa yang rung ste/ gang byung ba de de'i tshe de la dmigs shing cher dmigs la mngon par dmigs par 'gyur te/ de 'di snyam du/
110a₇ kye ma bdag gis bsod nams 'di lta ste/ lus dang / ngag dang / yid kyis byas so// kye ma bdag cag gis sdig pa 'di lta ste/ lus dang / ngag dang / yid kyis ma byas so// bsod nams

_{iiif viewer powered by OpenSeadragon}

109b - 110b

Texts on this page