| e-texts navigator |
| བོད་ཡིག |
108a1 gnas so/ / gling phran brgyad yod pa la 'di lta ste/ lus dang / lus 'phags dang / rnga yab dang / rnga yang gzhan dang / g.yo ldan dang / nye ba'i g.yo ldan dang /
108a2 sgra mi snyan dang / sgra mi snyan gyi zla rnams so// gling phran brgyad po 'di dag gi nang na/ bdun na ni mi rnams so// gcig na ni mi ma yin pa rnams gnas so// rgyal chen bzhi pa'i lha rnams ni 'og
108a3 ma la shes pa'i mthong ba 'jug go/ / gong ma la ni ma yin te/ rdzu 'phrul lam/ gzhan gyi mthu ni ma gtogs so// de bzhin du sum cu rtsa gsum pa rnams dang / 'thab bral ba rnams dang / dga'
108a4 ldan pa rnams dang / 'phrul dga' ba rnams dang / gzhan 'phrul dbang byed pa rnams dang / tshangs ris pa rnams dang / tshangs pa'i mdun na 'don pa rnams dang / tshangs pa chen po pa rnams dang /
108a5 'od chung ba rnams dang / tshad med 'od pa rnams dang / 'od gsal ba rnams dang / dge chung ba rnams dang / tshad med dge ba rnams dang / dge rgyas pa rnams dang / sprin med pa rnams dang / bsod nams
108a6 skyes pa rnams dang / mi che ba rnams dang / mi gdung ba rnams dang / gya nom snang ba rnams dang / shin tu mthong ba po rnams kyang 'og ma la shes pa'i mthong ba 'jug gi/ gong ma la ma yin te/ rdzu 'phrul lam/
108a7 gzhan gyi mthu ni ma gtogs so// 'og min gyi lha rnams ni thams cad du shes pa'i mthong ba 'jug go// mnar med pa'i sems can dmyal ba chen po 'og gi gzhi ni/ 'di nas thur du dpag tshad bzhi khri la
iiif viewer powered by OpenSeadragon
Texts on this page
S313 - 'jig rten gzhag pa