| e-texts navigator |
| བོད་ཡིག |
107a1 gsum po rnams/ / bsrung ba'i phyir ni spro ba ste// sum cu rtsa gsum lha rnams dang // sangs rgyas bde ba gzigs pa dang // 'khor lo chos bzhin bskor ba yi// ljongs kyi
107a2 bdag po gang yin pa/ / 'khor lo sgyur ba'i de la yang // bsrung ba'i phyir ni spro ba yin// ri'i rgyal po ri rab kyi shar phyogs kyi phyi rol gyi rgya mtsho chen po na/ shar gyi lus 'phags zhes bya ba'i gling
107a3 nang rgya che la/ phyi rol zla gam ltar grub pa yod de/ dpag tshad brgyad khri ni thur du gser gyi sa gzhi chen po la brten to// steng ni chu dang mnyam par 'dug ste/ shar gyi lus 'phags po'i gling gi
107a4 ngos nang gi ring po gang yin pa de la ni dpag tshad nyis stong yod de/ nang gi thung ngu gang yin pa de la ni dpag tshad sum brgya lnga bcu yod do// mtha' skor du ni dpag tshad drug stong sum brgya lnga bcu yod du/
107a5 dbyibs legs shing blta na sdug la mdzes pa sa las grub pa ste/ de na shar gyi lus 'phags po'i mi rnams kyi grong dang / grong rdal dang / grong khyer dang / yul 'khor dang / pho brang 'khor gnas so// ri'i
107a6 rgyal po ri rab kyi lho phyogs kyi phyi rol gyi rgya mtsho chen po na/ 'dzam bu gling zhes bya ba'i gling nang rgya che la phyi rol shing rta'i dbyibs ltar grub pa yod de/ dpag tshad brgyad khri ni thur du gser gyi sa gzhi chen
107a7 bo la brten no/ / steng ni chu dang mnyam par 'dug ste/ 'dzam bu gling gi ngos nang gi ring po gang yin pa de la ni dpag tshad nyis stong yod do// nang gi thung ngu gang yin pa de la ni dpag tshad phyed dang bzhi yod do//
iiif viewer powered by OpenSeadragon
Texts on this page
S313 - 'jig rten gzhag pa