| e-texts navigator |
| བོད་ཡིག |
104b1 sbrang rtsi lta bu'i chus kyang gang // me tog dus kyi rjes 'brang bas// rol mtsho mdzes byas rgya spos 'khrung // de bzhin bal bu spang spos dang // sman ni sna tshogs dag gis gang // de bzhin 'jig
104b2 shing lus che ba/ / drag cing mi bzad 'dug pa yi// klu yi rgyal po rnams kyis rgyus// rol mtsho bdun po yid 'ong ba// ri bo dag gi 'od rnams dang // nyi ma'i 'od zer rnams kyis kyang //
104b3 nyi ma 'char ka thang cig tsam// phyogs bcu dag tu lam ma snang // gser gyi ri bo bdun po yis// rol mtsho bdun po kun nas bskor// ri rnams gtso bo ri rab ni// rtse mo bris pa bzhin du
104b4 'phags/ / ri'i rgyal po ri rab kyi shar phyogs kyi ri'i rgyal po gnya' shing 'dzin gyi steng na/ rgyal po yul 'khor srung gi pho brang 'khor yul 'khor srung zhes bya ba zhig yod de/ chur dpag tshad
104b5 nyis brgya lnga bcu/ zheng du dpag tshad nyis brgya lnga bcu/ mtha' skor du dpag tshad stong yod la/ dbyibs legs shing blta na sdug la mdzes shing gser gyi ra bas bskor te/ ra bas 'phang du
104b6 dpag tshad phyed yod de/ rab de dag gi rtsig skyabs gser las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi yod do// mda' yab dang /
104b7 zam pa rgyud ma rnam pa bzhi yod de/ de dag nang gi sa gzhi dbyibs legs shing blta na sdug la mdzes te/ bris shing legs par bris pa tshon sna brgya rtsa gcig gis bris pa ste/ 'jam zhing shin tu
iiif viewer powered by OpenSeadragon
Texts on this page
S313 - 'jig rten gzhag pa