rKTs

e-texts navigator

Volume

Page

104a₁ ri'i rgyal po rnam par 'dud kyi bar de'i skabs na/ rta rna ri'i rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to// zheng
104a₂ du ni dpag tshad nyis stong lnga brgya yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go// ri'i rgyal po rnam
104a₃ par 'dud dang / ri'i rgyal po mu khyud kyi bar de'i skabs na/ ri'i rgyal po rnam par 'dud kyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten
104a₄ to/ / zheng du ni dpag tshad stong nyis brgya lnga bcu yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go/
104a₅ gnya' shing 'dzin gyi rol mtsho yi// mtshams na gnya' shing 'dzin gyi ri// gshol mda' 'dzin gyi rol mtsho yi// mtshams na gshol mda' 'dzin gyi ri// seng ldeng can gyi rol mtsho yi//
104a₆ pha rol seng ldeng can gyi ri// blta na sdug gi rol mtsho yi// bar mtshams na ni blta na sdug/ rta rna ri yi rol mtsho yi// bar mtshams na ni rta rna ri// rnam par 'dud kyi rol mtsho yi// pha rol ri
104a₇ bo rnam par 'dud/ / mu khyud 'dzin gyi rol mtsho yi// bar mtshams na ni mu khyud 'dzin// chu 'dzin rol mtshe bdun po rnams// dang ba'i bai DUR+Ya mchog bzhin// rab tu bsil ba'i chu dag dang //

_{iiif viewer powered by OpenSeadragon}

103b - 104b

Texts on this page