| e-texts navigator |
| བོད་ཡིག |
208b1 sa la'i ljongs rgyu zhing gshegs pa dang / mnyan yod du byon nas/ mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// ko sa la'i
208b2 rgyal po gsal gyis dge sbyong go'u ta ma ko sa la'i ljongs rgyu zhing gshegs pa dang / mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te
208b3 shes ldan go'u ta ma de bla na med pa yang dag par rdzogs pa'i byang chub mngon par sangs rgyas par bdag nyid zhal gyis 'che'o zhes thos so/ / thos nas kyang bcom ldan 'das gang na ba der
208b4 song ste phyin nas/ bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te/ phyogs gcig tu
208b5 'dug go/ phyogs gcig tu 'dug nas/ ko sa la'i rgyal po gsal rgyal gyis/ bcom ldan 'das la 'di skad ces gsol to// kye go'u ta ma bdag gis shes ldan go'u ta ma
208b6 bla na med pa yang dag par rdzogs pa'i byang chub mngon par sangs rgyas par bdag nyid zhar gyis che'o zhes thos lags na/ go'u ta ma gang dag de skad ces lung bstan pa de dag ji ga dge
208b7 sbyong go'u ta ma la skur pa 'debs pa ma lags sam/ thal bar smra ba lags sam/ shes ldan go'u tams gsungs pa bzhin smra ba lags sam/ chos smra ba lags sam/ chos
iiif viewer powered by OpenSeadragon
Texts on this page
S302 - gzhon nu dpe'i mdo