rKTs

e-texts navigator

Volume

Page

197a₁ sems can 'chi 'pho ba dag dang / skye ba dag dang / mdog bzang po dag dang / mdog ngan pa dag dang / dman pa dang / gya nom pa dag dang / bde 'gro dang /
197a₂ ngan 'gror 'gro ba dag la gzigs par mdzad cing / sems can las ji lta ba bzhin du nye bar dong ba dag la/ sems can 'byung ba de dag ni/ lus kyis nyes par spyod pa dang ldan pa
197a₃ dag dang / ngag dang yid kyis nyes par spyod pa dang ldan pa dag dang / 'phags pa rnams la skur pa 'debs pa dag dang / log par lta ba dag yin te/ log par lta ba'i las dang chos
197a₄ yang dag par len pa'i rgyus/ de'i rgyu dang rkyen gyis lus zhig nas shi phan chad ngan song ngan 'gro log par ltung ba'i sems can dmyal ba dag tu skye bar 'gyur ro// yang na sems can
197a₅ 'byung ba de dag ni lus kyis legs par spyod pa dang ldan pa dag dang / ngag dang yid kyis legs par spyod pa dang ldan pa dag dang / 'phags pa rnams la skur pa mi 'debs pa dag
197a₆ dang / yang dag par lta ba dag yin te/ yang dag pa'i lta ba'i las dang chos yang dag par len pa'i rgyus/ de'i rgyu dang de'i rkyen gyis lus zhig nas bde 'gro dang mtho ris kyi 'jig
197a₇ rten du lha rnams kyi nang du skye bar 'gyur ro zhes yang dag pa ji lta ba bzhin du rab tu mkhyen to/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs

_{iiif viewer powered by OpenSeadragon}

196b - 197b

Texts on this page