rKTs

e-texts navigator

Volume

Page

186b₁ par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / zangs dang / cha dang / bgrang ba dang / dpe dang / rgyur yang nye bar mi 'gro'o//
186b₂ byang chub sems dpa'i srid pa tha ma dag gang ga'i klung gi bye ma dang mnyam pa snyed kyi bsod nams gang yin pa de/ de bzhin gshegs pa dgra bcom pa yang dag par rdzogs pa'i sangs
186b₃ rgyas gcig gi bsod nams dag tu nges par brtag par byas kyang / brgya'i char yang nye bar mi 'gro'o// stong gi cha dang / brgya stong gi cha dang / grangs dang / cha dang / bgrang ba dang /
186b₄ dpe dang / rgyur yang nye bar mi 'gro'o// gnas 'jog gi rgyud dag/ de bzhin gshegs pa dgra bcom pa yang dag par rdzogs pa'i sangs rgyas ngag ni/ bsod nams kyi stobs de lta bu dang
186b₅ ldan pa dag yin zhing / gang dag 'das pa dang / gang dag ma byon pa dang / gang yang nga da lta da ltar byung ba'i dus na/ de bzhin gshegs pa dgra bcom pa yang dag par rdzogs pa'i sangs
186b₆ rgyas thams cad mnyam pa dang mnyam ste/ mtshan mnyam pa/ yon tan mtshungs pa mnyam pa/ bsod nams kyi 'bras bu rnam par smin pa mnyam pa dag yin gyi/ rgyu gsum po rigs
186b₇ dang / sku tshe dang / sku lus kyis mnyam pa dag ni ma yin no// btsun pa bdag cag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yang yum

_{iiif viewer powered by OpenSeadragon}

186a - 187a

Texts on this page