rKTs

e-texts navigator

Volume

Page

140b₁ ar 'gyur ro/ / de'i phyir bcom ldan 'das kyis bka' stsal pa/ gang zhigazung med skyes pa 'dod// skye ba skye bar yang dang lung // sgra dang lha mo rdo bzhin du// rang gi khyon srang mi g+ha/
140b₂ brdzun du smras pas slar yang thig nag tu skye bar 'gyur ro// der yang dmyal ba'i srungs ma rnams kyis sgra chen po'i tshig sgrogs shing / mtshon cha 'bar ba sna tshogs pa blangs nas lcags
140b₃ bsregs kyi sa gzhi la dmyal ba'i sems can gcig gis gcig 'drud pa dang / 'bar ba'i thig nag pos 'debs pa dang / 'bar ba'i mtshon cha bzung nas yang dag par bsgyur ba dang /
140b₄ zhib mas 'tshag pa bzhin du ste'u dang dgra stas 'jog pa dang / de rnams kyis sgra chen po sgrogs te ngu zhing gnas so// rang gi khrag 'thung zhing nang du der gnas pa de thig nag ste brdzun
140b₅ du smras pas skye'o/ / der sdug bsngal drag pa dang / rtsub pa dang / tsha ba'i tshor ba myong bar 'gyur ro// dge slong dag brdzun du smra ba ni sbrul dug can dang 'dra bar yid la bya'o// des sdug
140b₆ bsngal mang po byed do/ / dmyal bar 'jug pa dang / yi dgas kyi yul du 'jug pa dang / dud 'gro'i skye gnas su skye bar 'gyur ro// gang zhig brdzun du smra ba ni rnam par smin pa chen po'o//
140b₇ de mir skyes kyang snying rje med pa dang / skad bya rog gi dang 'dra ba dang / lce mi bde ba dang / so la srin 'byung ba dang / kha dri mo zhim pa dang / so mi snyoms pa dang / tshig rtsub pa dang / gre

_{iiif viewer powered by OpenSeadragon}

140a - 141a

Texts on this page