| e-texts navigator |
| བོད་ཡིག |
10b1 du/ mtsho der 'jug par mi byed na// de ni mtsho yi skyon min no// de ltar nyon mongs dri 'khrud pa// bdud rtsi'i mtsho ni yod pa yi// mtsho de la ni mi 'jug na// bdud rtsi mtsho yi skyon min no//
10b2 ji ltar chom rkun gyis bskor ba// 'gro ba'i lam ni yod pa la// skyes bu 'bros par mi byed na// de ni lam gyi skyon ma yin// ji ltar nyon mongs kyis bskor na// zhi ba'i lam ni yod pa
10b3 la/ / de yi lam du mi 'jug na// zhi ba'i lam gyi skyon ma yin// ji ltar nad kyis gzir ba'i mi// gso dpyad byed pa yod gyur pa// nad ni zhi bar ma byed na// de ni sman pa'i skyon ma yin//
10b4 de ltar nyon mongs pa yi nad// gzir cing sdug bsngal gyur pa'i tshe// slob dpon tshol bar mi byed na// slob dpon gyi ni skyon ma yin// gzhan yang bsams pa/ ji ltar rgyan gyis brgyan
10b5 pa'i skyes bu'i mgrin pa la mi gtsang ba bcings na de dor nas bde bar 'gro ba bzhin du/ de ltar bdag kyang mi gtsang ba'i lus spangs te/ ltos pa med par mya ngan las 'das pa'i grong khyer du
10b6 'jug par rigs so/ / gzhan yang ji ltar skyes pa dang bud med kyis bshang ba'i gnas su bshang ba dor bar byas nas snod du blugs te khur nas 'gro bar byed pa ma yin gyi/ ltos pa med
10b7 par skyug bro bas dor nas 'gro'o/ / de ltar bdag kyang mi gtsang ba'i lus la sogs pa ltos pa med par dor nas 'chi ba med pa'i mya ngan las 'das pa'i grong khyer du 'jug par rigs so//
iiif viewer powered by OpenSeadragon
Texts on this page
S290 - skyes pa rabs kyi gleng gzhi