rKTs

e-texts navigator

Volume

Page

101b₁ dge sbyong 'di ni khyed kyi yab bo// 'di la gter chen po yod cing de 'thon pa nas bzung nas gter mthong ba med do// song la nor slongs shig/ bdag khyed kyi bu gzhon nu yin no// rgyal por dbang
101b₂ bskur ba thob nas 'khor lo sgyur ba la dbang byed par 'gyur ro/ / bdag la nor gyi don du nor stsal du gsol/ yab kyi nor bu bdag yin no zhes gsol cig ces smras pa dang / gzhon nu bcom ldan 'das
101b₃ dang nye bar song ste/ yab kyi drung du dga' ba skyes so// sems spro bar gyur to// dge sbyong de khyod kyi grib ma ni de'o zhes brjod nas/ gzhan yang rang gi rigs pas brjod cing 'khod do// bcom
101b₄ ldan 'das gdugs tshod kyi mthar rjes su yi rang ba mdzad nas gdan las bzhengs te gshegs so/ / gzhon nus bdag la dge slong nor stsal du gsol/ bdag la dge slong nor stsal du gsol/
101b₅ bcom ldan 'das kyi rjes su 'brangs nas/ bcom ldan 'das kyis gzhon nu phyir log la/ nga'i rjes su ma 'gro zhes pa dang / rjes su 'brang ba rnams kyang bcom ldan 'das dang 'grogs nas
101b₆ byon te/ ldog par ma nus nas/ gzhon nu bcom ldan 'das dang lhan cig kun dga' ra ba nyid du phyin no// de nas bcom ldan 'das kyis bsams pa/ 'di yab kyi nor 'dod cing 'jig rten
101b₇ pa'i nor ni che ba dang bcas pa yin/ da ni gnon nu la byang chub snying po des thob pa'i 'phags pa'i nor rnam pa bdun byin na/ 'jig rten las 'das pa'i nor gyi bdag po byed par 'gyur bar dgongs

_{iiif viewer powered by OpenSeadragon}

101a - 102a

Texts on this page