rKTs

e-texts navigator

Volume

Page

273b₁ phra ma zer ba ni tshu rol pa rnams kyi thos nas de dag dbye ba'i phyir pha rol po rnams kyi thad du song ste bsnyad la/ de dag gis thos na yang tshu rol pa rnams dbye ba'i phyir tshu rol pa rnams kyi thad du song ste/
273b₂ bsnyad par byed de/ de ltar bzlum pa rnams dbye ba dang bye ba rnams la rjes su phyogs la mi mthun par 'dod cing / mi mthun par dga' ste/ mi mthun par 'gyur ba'i tshig smra ba ni phra ma ma spangs
273b₃ pa yin no/ / tshig rtsub por smra ba ni des tshig 'jam zhing rnar snyan la/ yid du bong ba dang / snyan pa dang / 'dod par bya ba dang / pho brang 'khor gyi skad dang / snyan cing 'jebs pa dang /
273b₄ zur phyin pa dang / brdar phrad pa dang / rna bar 'ong ba dang / skye bo mang po'i snying du sdug pa dang / skye bo mang pos gces par bya ba dang / skye bo mang po dga' ba dang / skye bo mang po'i
273b₅ yid du 'ong ba dang / mnyam par bzhag pa dang / ting nge 'dzin du 'gyur ba gang yin pa de dag dang / de lta bu'i tshig bor te tshig kun tu bzung ba dang / rtsub pa dang / gzhan gyis mi
273b₆ bzod pa dang / gzhan gyi zher 'debs pa dang / skye bo mang po'i snying du mi sdug pa dang / skye bo mang pos gces par mi bya ba dang / skye bo mang po mi dga' ba dang / skye bo mang po'i yid du mi 'ong
273b₇ ba dang / mnyam par gzhag pa ma yin pa dang / ting nge 'dzin du gyur pa ma yin pa gang yin pa rnams te/ de lta bu'i tshig rnams smra ba ni tshig rtsub po ma spangs pa yin no// tshig 'khyal pa ni/

_{iiif viewer powered by OpenSeadragon}

273a - 274a

Texts on this page