rKTs

e-texts navigator

Volume

Page

268a₁ bdag gis dbang phyug chen po la sogs pa la bsten te mtho ris su skye bar bya'o snyam pas kyang ma yin no// bdag mtho ris dang ngan song gar 'dod par skye bar bya'o snyam pas
268a₂ kyang ma yin no/ / ci yang ma byas te rgyu rkyen la brten mi dgos par skye'o snyam pas kyang ma yin no// phung po 'di zhig ste shi nas ci yang med do zhes smra ba yang ma yin no// 'dir tshe 'phos nas pha rol
268a₃ na gshin gyi khams su mu chags su mchis pas 'di na ci spyod byed de skye ba mi len zhes zer ba yang ma yin no/ / tshe 'di'i rnam par shes pa ma lags par rnam par shes pas skye ba len zhes zer ba yang
268a₄ ma yin no/ / 'di dang pha rol gnyis kar phung po dus gcig yod ces zer ba yang ma yin no// grum po las grum por skye/ dkar po las dkar por skye zhes bya ba la sogs pa yang ma yin
268a₅ no/ lha tshe 'phos pa yang lhar skye'o zhes zer ba yang ma yin no// dge bas ngan song dang mi dge bas mtho ris 'grub zer ba yang ma yin no// shes pa gcig las mang po 'phel ba yang
268a₆ ma yin no/ / dge ba ma byas kyang lhar skye ba dang / mi dge ba ma byas kyang ngan song du skye ba yang ma yin no// skye ba ni byed pa pos byas pa yang ma yin no// de dag ci'i phyir ma yin zhe na/ kha
268a₇ don gyi dpe la gang dag gis rnam par shes pa 'di ma 'gags par pha rol tu skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni/ bdag

_{iiif viewer powered by OpenSeadragon}

267b - 268b

Texts on this page