rKTs

e-texts navigator

Volume

Page

267b₁ yod do zer ba dgag pa'i phyir dpe lhag ma rnams bstan to/ / me long gi dpe ni 'dra ba'i dpe yin pas/ grum po las grum por skye/ dkar po las dkar por skye'o zhes zer ba dag dgag
267b₂ ba'i phyir dpe lhag ma rnams bstan to/ / rgya'i dpe ni lhar 'phos pa lhar skye/ mi 'phos pa mir skye ba la sogs pa nges pa'o zhes zer ba dag dgag pa'i phyir dpe lhag mi rnams bstan to// me
267b₃ shel gyi dpe ni mi 'dra ba'i dpe yin pas/ dge bas ngan song dang mi dge bas mtho ris 'grub bo zhes zer ba dag dgag pa'i phyir dpe lhag ma rnams bstan to// sa bon gyi dpe ni shes pa gcig las
267b₄ mang por 'phel lo zer ba dag dgag pa'i phyir dpe lhag ma rnams bstan to/ / skyur gyi dpe ni myong ba'i dpe yin pas lha'i lo rgyus yod pa dag dge ba'i bsod nams ma byas kyang lhar skye'o// ngan song
267b₅ gi lo rgyus yod pa dag mi dge ba ma byas kyang ngan song du skye'o zhes zer ba dag dgag pa'i phyir dpe lhag ma rnams bstan to/ / sgra'i dpe ni byed pa po'i dpe yin pas rgyu rkyen las ma byung ngo zhes zer ba dag
267b₆ dgag pa'i phyir dpe lhag ma rnams bstan to/ / de'i phyir dpe brgyad bstan to// kye rgyal po chen po che zhig ste pha rol tu skye ba med de/ chad pa dang 'gag pa yang ma yin no// tshe 'di dang dngos
267b₇ po rtag pa ma nyams par pha rol tu 'pho ba yang ma yin no/ / tshe 'di la ma rten par pha rol tu skye ba len pa yang ma yin no// bdag gis skye ba 'di blang ngo zhes bsams pas kyang skye ba ma yin no//

_{iiif viewer powered by OpenSeadragon}

267a - 268a

Texts on this page