| e-texts navigator |
| བོད་ཡིག |
266a1 pa skyes te/ sangs rgyas dang byang chub sems dpa' thams cad la phyag 'tshal zhing skyabs su gsol na sdig pa 'byang bar 'gyur ro// mtho ris su yang skye bar 'gyur
266a2 ro/ tshe phyi ma med pa'i 'du shes bskyed par mi bya'o// skye ba len pa ni dbang phyug dang / 'dod rgyal dang / gyo na la sogs pa dag gis byed par mi blta'o// 'jig rten gyi bde ba dang 'khor ba
266a3 thams cad la chags par mi bya'o/ / kye rgyal po chen po 'jig rten 'di nas pha rol tu 'pho ste/ skye ba len pa na rtag pa 'pho ba yang ma yin no// chad pa 'gags te med pa yang ma yin no//
266a4 rgyu med pa yang ma yin no// rgyu med pa las byung ba yang ma yin no// byed pa pos byas pa yang ma yin te/ las dang nyon mongs pa rgyu rkyen tshogs pa las skye bar blta'o// rgyal po chen pos
266a5 gsol pa/ bcom ldan 'das sems can rnams tshe 'phos nas skye ba len pa de/ de ltar rtag pa yang mi 'pho/ chad pa yang ma lags/ rgyu rkyen med pa yang ma lags/ byed pa pos kyang
266a6 ma byas 'jig rten pha rol tu skye ba yang 'grub pa de rtogs par dka' na/ 'di la mthun pa'i dpe mchis sam/ bcom ldan 'das kyis bka' stsal pa/ kye rgyal po chen po 'di la mthun
266a7 pa'i dpe brgyad yod de/ bla mas kha don brjod pa slob mas shes pa'i dpe dang / mar me las mar me 'byung ba'i dpe dang / me long las gzugs brnyan 'brang ba'i dpe dang / rgya las rgya'i
iiif viewer powered by OpenSeadragon
Texts on this page
S284 - tshe 'pho ba ji ltar 'gyur ba zhus pa'i mdo