| e-texts navigator |
| བོད་ཡིག |
310b1 gsol to/ / bdag cag 'khor 'dir 'dus pa ji snyed mchis pa rnams gang du mdo 'di brjod pa der ma mchis sam/ gzhon nu rdo rje sde dang / lha mo dri ma med pa'i 'od la gzungs sngags ma sprul tam/
310b2 dam bcas pa 'di bskyed par gyur na/ bdag cag gis dus gsum du gshegs pa'i sangs rgyas bcom ldan 'das kyi sku bslus par gyur cig/ mtshams ma mchis pa'i las bgyis pa'i sdig pa
310b3 ji tsam mchis pa bdag cag gis bgyis pa gyur cig/ de nas 'od zer de dag las tshigs su brjod pa 'di skad ces byung ste/ gang na mdo 'di brjod pa der bdag cag 'ong ngo zhes sgra grags par gyur to// de
310b4 nas kun dga' bo dang 'khor de dag thams cad kyis zhus pa/ bcom ldan 'das chos kyi rnam grangs 'di'i ming ci lags/ ji ltar gzung bar bgyi/ bka' stsal pa/ mdo 'di'i ming ni chos kyi spyi bo zhes
310b5 kyang bya/ sangs rgyas thams cad kyi chos kyi snying po zhes kyang bya/ dri ma med pa'i 'od kyis zhus pa zhes kyang bya'o// de nas bcom ldan 'das shAkya thub pas 'di skad ces bka' stsal to// ngas chos gang
310b6 bshad pa de dag thams cad ni mdo 'di nyid kyi nang du 'dus so/ / bcom ldan 'das kyis de skad ces bka' stsal nas/ byang chub sems dpa' de dag dang / tshe dang ldan pa kun dga' bo dang / 'khor
310b7 de dag thams cad dang / lha dang / mi dang / lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// theg pa chen po'i mdo dri ma med pa'i 'od kyi zhu ba
iiif viewer powered by OpenSeadragon
Texts on this page
S276 - dri ma med pa'i 'od kyis zhus pa