| e-texts navigator |
| བོད་ཡིག |
33b1 rjes su dran pa dang / / gang dag chos la skyabs mchis pa// mi de dag ni rnyed pa che// gang dag nyin mtshan rtag par yang // dge 'dun rjes su dran pa dang // gang dag dge 'dun
33b2 skyabs mchis pa/ / mi de dag ni rnyed pa che// de nas bcom ldan 'das kyis/ lha'i dbang po brgya byin gyi rjes su 'thun par brjod pa'i tshigs su bcad pa bka' stsal pa/ ko'u shi ka
33b3 de de bzhin te/ de de bzhin no// gang dag sangs rgyas skyabs dong ba// de dag ngan 'gror mi 'gro ste// mi yi lus rnams spangs nas su// de dag lha lus thob par 'gyur// gang
33b4 dag chos la skyabs dong ba/ / de dag ngan 'gror mi 'gro ste// mi yi lus rnams spangs nas su// de dag lha lus thob par 'gyur// gang dag dge 'dun skyabs dong ba// de dag ngan
33b5 'gror mi 'gro ste/ / mi yi lus rnams spangs nas su// de dag lha lus thob par 'gyur// de nas lha'i dbang po brgya byin bcom ldan 'das kyi gsungs pa la mngon par dga' nas/
33b6 bcom ldan 'das kyi zhabs la mgo bos phyag 'tshal te/ bcom ldan 'das la lag pa thal mo sbyar nas lan gsum bskor ba byas te/ de nyid du mi snang bar gyur to// bcom ldan 'das
33b7 kyis de skad ces bka' stsal nas/ dge slong dag yi rangs te/ bcom ldan 'das kyis gsungs pa la mngon par bstod do// phag mo'i rdzogs pa brjod pa'i mdo rdzogs so//
iiif viewer powered by OpenSeadragon
Texts on this page
S254 - 'phag mo'i rtogs pa brjod pa zhes bya ba'i mdo