| e-texts navigator |
| བོད་ཡིག |
275b1 rkang pa g.yon pa mthil g.ya' zhing g.yo ba dang / mig g.yon pa'ang 'gul/ nu ma gnyis nas nu zho'ang rang zag par gyur nas 'di snyam du 'di 'dra ba'i ltas ngan gna' nas ma byung na/ bdag gi bu gnyis
275b2 la ye 'drog ma byung ngam snyam bsams nas/ shing thog gis ci zhig bya snyam ste/ shing thog brda ba'ang btang nas/ myur bar phyir gnas su 'gro bar chas so// de'i tshe sum cu rtsa gsum pa'i gnam gyi lha'i
275b3 dbang pos rgyal bus gzhan la bu byin par shes nas/ btsun mos dag par bsams pa'i sems kyi bar chad byed du dogs pas seng ge zhig tu sprul nas/ lam gyi srang du bsdad ngo // btsun mos/ seng ge
275b4 la smras pa/ khyod ni gcan gzan gyi rgyal po/ kho mo ni mi'i rgyal mo yin te/ ri la 'khod par 'dra na/ cung zad lam las byol te bdag thong zhig/ bdag la chung ngu ma shed ma bye ba gnyis shig yod de
275b5 da tsam gyi bar du ci'ang ma zos pas/ bdag 'ong du re ste sdod do// seng ges kyang bram ze de rgyang ring du thal bar shes nas/ lam las byol te btsun mo btang ngo // btsun mo phyir gnas su 'ongs
275b6 nas rgyal bu 'ba' zhig snang gi/ bu gnyis ma mthong bas/ bdag nyid 'dug pa'i spyil bur bltas na yang bu ma mthong / bu gnyis 'dug pa'i spyil por bltas na yang bu ma mthong ste/
275b7 de nas bu rtse ba'i gnas chu 'gram du btsal na yang ma mthong ngo // sngon bu dang rtse ba'i ri dgas sha ba dang / kha sha dang / gcan gzan seng ge dang / spre'u la sogs te/ mdun nas lus sa la
iiif viewer powered by OpenSeadragon
Texts on this page
S267 - 'phags pa rgyal bu don grub kyi mdo