| e-texts navigator |
| བོད་ཡིག |
272b1 ze yul ya ba zhes bya ba ga la ba der song ste/ der phyin pa dang / rgyal po'i pho brang gi sgor 'ongs nas/ sgo srungs pa la rgyal bu don grub da lngar ga la 'dug ces dris pa dang / sgo srungs de pho brang gi nang
272b2 du song nas/ rgyal po da ltar phyi rol na/ bram ze zhig rgyal bu don grub ga re zhes 'dri'o// rgyal pos rgyal bu ga re zhes smra ba'i chog thos pa tsam gyis sems 'khrugs shing khros nas/ 'di snyam du
272b3 'di 'dra ba sha stag gi phyir/ nga'i sras spangs par gyur na/ de yang slong du 'ongs snyam bsams nas/ dpe 'di skad ces brjod par gyur to// dper na me ni rang bzhin gyis tsha zhing 'bar ba yin na/ de'i
272b4 steng du shing bsnan pa dang 'dra ste/ bdag kyang da ltar mya ngan gyis gdungs te me dang 'dra ba las/ da yang rgyal bu ga re zhes 'dri ba na me la shing gis bsnan pa dang 'dra'o// bram zes gsol pa
272b5 bdag ni lam ring po nas 'ongs pa yang / rgyal bu rgyal tshab mi'i yid dang mi 'gal bar sbyin pa bgyid do zhes ming snyan pa steng du gnam la thug/ 'og tu chu mig gi gting la thug gi bar
272b6 du grags pa/ bdag lam ring po nas re ba yod par 'ongs so// rgyal pos smras pa/ rgyal bu don grub na de ltar ri shin tu dben pa na gnas te/ rab tu dbul zhing ci'ang med na/ khyod la
272b7 ci zhig sbyin du yod/ bram zes smras pa/ rgyal bu la ci'ang med kyang / bdag phrad par dga' 'o zhes smras pa dang / rgyal pos kyang gzhan zhig la lam ston cig ces bsgo'o// de nas bram ze song
iiif viewer powered by OpenSeadragon
Texts on this page
S267 - 'phags pa rgyal bu don grub kyi mdo