rKTs

e-texts navigator

Volume

Page

268b₁ mos ni shing rta'i phyi nas phul/ rgyal bus ni mdun nas drangs te/ rkang pas shing rta 'dren cing song ba las/ ring po ma lon par yang bram ze zhig dang phrad nas/ shing rta bslangs pa dang
268b₂ rgyal bus shing rta yang bram ze la byin no/ / de nas yang song ba las/ ring po ma lon par yang bram ze slong ba dang phrad nas/ rgyal bus de dag la 'di skad ces smras so// gal te bdag gis
268b₃ khyod la ma byin na ni/ chags shing ser sna byed par 'gyur na/ da ni bdag la nor zas zad de ci'ang med do zhes smras pa dang / bram ze na re/ nor rdzas med na lus la gyon pa'i gos de nga
268b₄ la byin cig ces smras pa dang / rgyal bus lus la gyon pa'i gos rin po che yang slong ba la byin te/ gos rnying pa zhig gyon te dong ba las/ ring po ma lon par bram ze yang slong ba zhig dang /
268b₅ phrad nas/ rgyal bus btsun mo'i gos byin no// de nas yang dong ba las/ ring po ma lon par bram ze slong ba dang phrad nas rgyal bus sras gnyis kyi gos kyang byin no// de ltar rgyal bus
268b₆ rta dang / shing rta dang / nor rdzas dang / bgo ba'i gos kyi bar du ma lus pa zad par byin pa yang / thog ma nas 'gyod pa'i sems skra'i nyag ma tsam mam/ ba spu tsam yang med do//
268b₇ rgyal bus ni sras bu khur du thogs btsun mos ni sras mo phang du khyer nas/ rkang pas song yang rgyal bu dang / btsun mo dang / sras gnyis kyis bar du dga' ba'i mdangs dang bcas

_{iiif viewer powered by OpenSeadragon}

268a - 269a

Texts on this page