| e-texts navigator |
| བོད་ཡིག |
369b1 bcom ldan 'das kyis bka' stsal pa/ rab tu rnam par phye ba'i chos rnams las// dam pa gang yin de ni rtogs gyur pa// de ni khyod kyis nyes sems ma yin te// khyod kyi
369b2 nges pa legs par rtogs pa yin/ / 'od srungs 'khor rnams skyo ba ma skyed cig/ de nas tshe dang ldan pa lteng rgyas 'od srungs bcom ldan 'das kyis skabs phye bas ji ltar sems mnyam par
369b3 bzhag bzhin du bdug gi stan gyi steng na mi snang bar gyur pa de lta bu'i ting nge 'dzin la snyoms par zhugs na sa/ shar phyogs kyi steng gi nam mkha' la mngon par 'phags te/ spyod lam rnam
369b4 pa bzhi po 'di lta ste/ 'chag pa dang / 'greng ba dang / 'dug pa dang / nyal ba dag byed do// me'i khams la'ang snyoms par zhugs te/ tshe dang ldan pa lteng rgyas 'od srungs
369b5 me'i khams la snyoms par zhugs pa'i lus las 'od zer rnam pa sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod la dgra
369b6 dang / shel gyi kha dog lta bu dag 'byung ngo // cho 'phrul zung dang kyang rnam par bstan te/ lus kyi smad nas me 'bar lnga/ lus kyi stod nas chu grang mo'i rgyun bab pa dang / lus kyi
369b7 stod nas me 'bar la/ lus kyi smad nas chu grang mo'i rgyun 'bab pa dag kyang rnam par bstan to// shar phyogs su ji lta ba bzhin du/ lho dang / nub dang/ byang phyogs kyi steng gi
iiif viewer powered by OpenSeadragon
Texts on this page
S205 - mdo chen po gzugs can snying pos bsu ba zhes bya ba