rKTs

e-texts navigator

Volume

Page

368a₁ byung ste/ de bzhon pas bgrod pa'i sa ji srid par de srid du bzhon pas song nas/ gzhon pa las babs te/ rkang pa kho nas kun dga'i ra bar zhugs nas/
368a₂ yul ma gang+gA'i rgyal po bzo sbyangs gzugs can snying pos bar skabs gang nas/ bcom ldan 'das mthong ba'i bar skabs der/ rgyal po'i chos kyi mtshan ma lnga po cod pan dang / gdugs dang /
368a₃ ral gri dang / rnga yab nor bu can dang / lham khra bo dag phud de bzhag go/ de nas yul ma ga d+ha'i rgyal po bzo sbyangs gzugs can snying pos rgyal po'i chos kyi mtshan ma lnga po dag phud
368a₄ de bzhag nas/ bcom ldan 'das ga la ba der song ste phyin pa dang / bla gos phrag pa gcig tu gzar te/ pus mo g.yas pa'i lgang sa la btsugs nas/ bcom ldan 'das ga la ba der logs
368a₅ su thal mo sbyar ba btud de/ btsun pa bdag ni yul mA ga d+hA'i rgyal po bzo sbyangs gzugs can snying po lags so// btsun pa bdag ni yul ma ga d+hA'i rgyal po bzo sbyangs gzugs tsan+da snying po
368a₆ lags so/ / rgyal po lags so zhes lan gsum gyi bar du rang gi ming rjes su bsgrags so// bcom ldan 'das kyis bka' stsal pa/ rgyal po chen po de de bzhin no// de de bzhin te/
368a₇ rgyal po chen po khyod ni yul ma gad+ha'i rgyal po bzo sbyangs gzugs can snying po yin no// rgyal po chen po khyod ni yul ma ga d+ha'i rgyal po bzo sbyangs gzugs can snying po yin no// rgyal po chen po khyod

_{iiif viewer powered by OpenSeadragon}

367b - 368b

Texts on this page