rKTs

e-texts navigator

Volume

Page

403b₁ rgyal med par byed pa zhes bya'o/ / 'khar gsil zhes bya ba ni rgyang bsrings pa yin te/ gang 'khar gsil 'di 'dzin pa'i gang zag gang yin pa de dag 'dod pa lnga thag ring du byed pa de dag 'dod pas sred pa'i kun nas
403b₂ dkris pa spong ba dang / phung po lnga po rnams rnam par 'thor ba dang / srid pa lnga po dag yongs su spong ba dang / mya ngan las 'das pa la phyogs shing 'du byed kyi las kyang ring du spong ba'i phyir rgyang bsrings pa zhes bya'o//
403b₃ 'khar gsil zhes bya ba ni len par byed pa yin te/ gang 'khar gsil 'dzin par byed pa de dag sangs rgyas rnams kyi tshul khrims dang / ting nge 'dzin dang / shes rab rin po che blangs pas rnam par grol ba thob par
403b₄ 'gyur ba'i phyir len par byed pa zhes bya'o/ / 'khar gsil zhes bya ba ni yongs su sgrub par 'gyur ba yin te/ gang 'khar gsil 'dzin pa dag sangs rgyas rnams kyi chos kyi sde snod mngon par sgrub pa dang / ji ltar sten
403b₅ pab bsgrubs pas ma nyams par phun sum tshogs par 'gyur ba'i phyir mngon par 'grub par 'gyur ba zhes bya'o/ / bcom ldan 'das kyis bka' stsal pa/ 'od srungs 'khar gsil zhes bya ba'i yi ge'i don rgya che zhing mang
403b₆ bas yongs su rdzogs par brjod mi nus kyang / khyed kyis re zhig de bzhin du yongs su gzung bar bya'o// bcom ldan 'das la/ 'od srungs kyis 'di skad ces gsol to// bcom ldan 'das 'khar gsil zhes bya ba'i/
403b₇ don ni de lta bu lags na/ ci'i slad du ye shes kyi 'khar ba zhes bgyi ba nas/ dran par gzhag pa'i don gyi spyod pa zhes bgyi ba'i bar gyi don gang lags pa bcom ldan 'das kyis bkas bshad du gsol/

_{iiif viewer powered by OpenSeadragon}

403a - 404a

Texts on this page