rKTs

e-texts navigator

Volume

Page

403a₁ bcom ldan 'das ci'i slad du 'khar gsil zhes bgyi/ ji ltar ni bcang bar bgyi/ bcom ldan 'das kyis bshad du gsol/ bdag cag rnams kyis kyang bka' bzhin du spyod par 'tshal
403a₂ lo zhes gsol pa dang / bcom ldan 'das kyis/ 'od srungs la bka' stsal pa/ legs par nyon la yid la zung zhig dang / ngas bshad par bya'o// de la 'khar gsil zhes bya ba ni yang ba yin te/ gang gis
403a₃ 'khar ba 'di la brten pa de dag nyon mongs pa bsal nas khams gsum las nges par 'byung ba'i phyir yang ba zhes bya'o/ / 'khar gsil zhes bya ba ni snang bar byed pa yin te/ 'khar gsil 'dzin pa'i gang zag
403a₄ gang yin pa de dag shes rab kyi snang ba thob par 'gyur ba'i phyir snang bar byed pa zhes bya'o/ / 'khar gsil zhes bya ba ni phyir mi ldog par byed pa yin te/ 'khar gsil 'dzin pa'i gang zag gang yin pa de dag srid pa
403a₅ gsum las nges par 'byung zhing / yang mngon par zhen pa nyid du mi 'gyur ba'i phyir mi ldog par byed pa zhes bya'o// 'khar gsil zhes bya ba ni khong du chud par byed pa yin te/ gang 'khar gsil 'dzin par byed pa
403a₆ yin zhe na/ sdug bsngal dang / stong pa dang / khams gsum gyi nyon mongs pa'i kun nas dkris par khong du chud pa dang / bden pa bzhi dang / rten cing 'brel par 'byung ba bcu gnyis po 'di dag gsal bar
403a₇ rtogs par 'gyur ba'i phyir khong du chud par byed pa zhes bya'o/ / 'khar gsil zhes bya ba ni nga rgyal med par byed pa yin te/ gang 'khar gsil 'dzin pa de dag nga rgyal gyi las rab tu spong bar 'gyur ba'i phyir nga

_{iiif viewer powered by OpenSeadragon}

402b - 403b

Texts on this page