| e-texts navigator |
| བོད་ཡིག |
416b1 pa la don 'di yongs su 'dri bar sems pa ni legs so legs so/ / byams pa de'i phyir legs par rab tu nyon la yid la zung zhig dang / ngas khyod la bshad par bya'o// byams pa nan gyis dper na/ lha dang mi rnam
416b2 kyi skye dgra las lha 'am/ mi gang zhig gis sangs rgyas bcom ldan 'das 'khor gang+gA'i klung gi bye ma snyed dang bcas pa gang+gA'i klung gi bye ma snyed cig la bskal pa gang+gA'i klung gi bye ma snyed du bde ba'i yo byad tham cad kyis
416b3 bsnyen bkur byas par gyur pa de bas ni/ gang gis mdo sde legs par gsungs pa 'di yi ger bris te 'dzin pa dang / klog pa dang / de bzhin du sgrub par byed pa dang / gzhan dag la ston par byed pa de ches bsod nams
416b4 mang du skyed par 'gyur te/ byang chub mngon par rdzog par 'tshang rgya ba'i phyir ring po mi thogs par byang chub kyi snying por nye bar 'gro bar yang 'gyur ro// byams pa nga ni gang dag gis mdo sde 'di thos nas spong bar mi byed
416b5 cing mos par byed pa dang / tha na glegs bam du 'dri bar byed pa de dag kyang mos pa ji lta ba bzhin du phyir mi ldog pa nyid du lung ston to// byams pa nga ni gang dag gis mdo sde zab mo 'di lta bu 'di'i ming tsam thos pa de dag
416b6 kyang 'bras bu yod par lung ston par byed na/ gang dag mos pa dang / yi ger 'dri ba dang // klog pa dang / gzhan dag la'ang ston par byed pa dag la lta smos kyang ci dgos/ gang dag mdo sde 'di yi ger 'dri ba dang //
416b7 lung ston pa dang / kha ton byed pa dang / klog pa dang // de bzhin nyid du sgrub par byed pa de dag gis sangs rgyas bcom ldan 'das dang lhan cig tu gtam 'dre bar byed pa dang / phebs par smra bar byed par 'gyur te/ de dag ni
iiif viewer powered by OpenSeadragon
Texts on this page
S166 - 'phags pa lha'i bu rab rtsal sems kyis zhus pa zhes bya ba theg pa chen po'i mdo