| e-texts navigator |
| བོད་ཡིག |
88b1 'di skad gsol te bdag cag rnams// sangs rgyas grub nas skye shi las// 'khor ba'i rnam dag bsgral bar smon// lha mi'i nang na btsun bzhugs pa// bye brag phyed par bshad du gsol/
88b2 de la gzungs su bzung ba dang // yi ger bris shing klog 'chang ba// de yi bsod nams ji tsam mchis// bcom ldan 'das kyis bka' stsal pa// bye brag phyed par ngas bshad kyis// rgyal bu
88b3 dge mthong legs par nyon/ / gang zhig rin chen sna bdun gyis// stong khams gang ba'i sems can la// sbyin pa byas shing yon phul nas// de yi steng du chos bshad kyis// dgra bcom 'bras bu
88b4 thob byas pas/ / la la zhig gis rgyal ba'i mtshan// thos nas dad pa'i sems bskyed de// skad cig dus su phyag byas na// de yi bsod nams de bas 'da'// yi ger bris shing klog 'chang dang //
88b5 dad pas phyag 'tshal smos ci dgos// de yi bsod nams dpag tu med// gang gis yi ger bri ba dang // klog pa dang ni 'don pa dang // dus su phyag 'tshal sems bskyed na// mchod rten stong khams//
88b6 chub pa ru// brtsigs pa'i bsod nams pas ni che// de nas 'od bsrungs chen po dang // shA ri'i bu dang kun dga' bo// mchod rten srung ba mthu bo che// tshangs lha rnams dang lha dbang po// 'khor
88b7 lo sgyur dang rgyal chen bzhis/ / bcom ldan zhabs la mgos btud nas// skad 'thun par ni 'di skad gsol// bcom ldan mya ngan 'das slad na// bdag cag rnams kyis sems can la// khyab
iiif viewer powered by OpenSeadragon
Texts on this page
S153 - 'phags pa thar pa chen po phyogs su rgyas pa 'gyod tshangs kyis sdig sbyangs te sangs rgyas su grub par rnam par bkod pa zhes bya ba theg pa chen po'i mdo