| e-texts navigator |
| བོད་ཡིག |
83b1 'og tu bar chad bco brgyad yod do// de'i kho ra khor yug tu ral gri'i tshal rim pa bdun gyis bskor to// lcags kyi dra ba rim pa bdun gyi nang logs su nags tshal ral gri'i lo ma can yod do// lcags
83b2 kyi khang pa bar chad bco brgyad po rtseg mar 'dug ste/ rim pa brgyad khri bzhi stong yod do// de'i grwa bzhir zangs kyi khyi chen po bzhi 'dug pa/ lus kyi bong tshad ni 'phang du dpag tshad bzhi bcu la/ mig ni
83b3 glog gi 'od bzhin/ mche ba ni ral gri sdong po dang 'dra/ so ni spu gri so gtams pa'i ri dang mtshungs/ lce ni lcags kyi mchil pa bzhin/ sder mo ni lcags kyi gsal shing dang 'tshungs/ mjug ma ni
83b4 lcags kyi sprul dang 'dra/ spu'i bu gu re re nas 'bar ba'i me shin tu mched cing kun tu 'bar/ rab tu 'bar ba 'byung ste/ de'i dud pa mnam pa ni/ 'jig rten gyi rdzas mnam pa gang dang yang bskrun du
83b5 med do/ / dmyal ba de'i sgo bzhi la/ sgo re re na dmyal ba'i srungs ma bco brgyad 'dug go// mgo ni srin po'i mgo/ kha ni srin po'i kha dang 'dra ste/ mgo la rA bco brgyad yod pa/ lag na lkugs
83b6 kyi gsal shing thogs so/ / ra ba rim pa bdun gyi nang logs su lcags kyi rgyal mtshan grangs med pa zhig yod de/ rgyal mtshan gyi mgor me 'byung ba ni/ chu mig 'byung ba dang 'dra bar 'byung ngo //
83b7 lcags 'ju ba'i khu ba 'bab pa ni/ kun tu khyab par 'bab ste/ dmyal ba'i sgo bzhir sgo re re'i steng na/ zangs mo che bco brgyad yod pa'i nang na/ lcags khol ba'i khu ba khar ldud cing / sgo bzhir
iiif viewer powered by OpenSeadragon
Texts on this page
S153 - 'phags pa thar pa chen po phyogs su rgyas pa 'gyod tshangs kyis sdig sbyangs te sangs rgyas su grub par rnam par bkod pa zhes bya ba theg pa chen po'i mdo