rKTs

e-texts navigator

Volume

Page

292b₁ byang chub sems dpa' brgyad stong thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mi skye ba'i chos la bzod pa thob
292b₂ pa mngon par shes pa lnga dang ldan pa/ tshig thogs pa med pa/ tshul 'chos pa med pa/ kha gsag med pa shes kyi khe 'dod pa'i sems dang bral ba/ zang zing med par chos ston pa
292b₃ chos zab mo la bzod pa dam pa'i pha rol tu son pa/ mi 'jigs pa dang ldan pa/ bdud kyi las las yang dag par 'das pa/ las kyi sgrib pa spangs pa/ chos kyi rang bzhin la the tsom med pa/
292b₄ bskal pa bye ba khrag khrig 'bum phrag grangs med par smon lam shin tu brtsams pa bzhin 'dzum pa/ khro gnyer med pa/ tshigs su bcad pa'i dbyangs kyis smra ba la mkhas pa/ sems yongs su ma
292b₅ gtugs pa/ spobs pa rgyun mi 'chad pa/ chos mnyam pa nyid la bzod pa thob pa/ mi 'jigs pa chen pos 'khor mtha' yas pa zil gyis gnon pa/ tshig gcig gis bskal pa bye ba khrag khrig 'bum
292b₆ phrag gcig tu ston pa'i ye shes la mkhas pa/ 'das pa dang ma 'ongs pa dang / da ltar byung ba'i chos thams cad sgyu ma dang / smig rgyu dang / chu zla dang / rmi lam dang / mig yor dang
292b₇ brag cha dang / stong pa nyid dang / mtshan ma med pa dang / smon pa med pa dang / dben pa dang / g.yo ba med pa dang / gzung ba med pa dang / nam mkha'i ngo bo nyid lta bur mos pa/

_{iiif viewer powered by OpenSeadragon}

292a - 293a

Texts on this page