| e-texts navigator |
| བོད་ཡིག |
269b1 dang bla na med pa yang dag par rdzogs pa'i byang chub la the tshom med pa sha stag go/ / bcom ldan 'das de bzhin gshegs pa shin tu dri ma med cing yongs su dag la/ yon tan gyi tshogs mtha'
269b2 yas pa las byung ba'i rgyal po de yang gang gi tshe chos ston par bzhed pa de'i tshe/ nyid kyi sku las 'od 'gyed par mdzad de/ 'od des sangs rgyas kyi zhing thams cad snang bar 'gyur ro// de bzhin
269b3 gshegs pa'i 'od de las kyang / sangs rgyas bye ba phrag stong gsung ba'i chos ston pa 'byung bar 'gyur ro// de na lha dang mi rnams kyis de bzhin gshegs pa'i 'od de yang mthong la/ chos
269b4 bstan pa de yang thos nas dga' ba dang / mchog tu dga' ba chen po rgya cher skyes te/ bcom ldan 'das de bzhin gshegs pa shin tu dri ma med cing yongs su dag pa la/ yon tan gyi tshogs
269b5 mtha' yas pa las byung ba'i rgyal po de ga la ba der dong ste lhags nas/ de bzhin gshegs pa de la mchod pa tshad med pa byas te/ rdzu 'phrul dang / mngon par shes pa'i stobs kyis//
269b6 nam mkha'i dkyil na rin po che'i bkod pa chen po dang ldan pa'i pad+ma dag la skyil mo krung bcas te 'khod par 'gyur ro// de bzhin gshegs pa de yang nam mkha'i dkyil nyid na/ seng ge'i khri la
269b7 bzhugs te/ lha dang mi de dag la chos ston to// de chos ston pa na/ phyogs bcu nas byang chub sems dpa' tshad med grangs med pa brgya stong dag chos mnyan pa'i phyir 'ong bar 'gyur ro//
iiif viewer powered by OpenSeadragon
Texts on this page
S141 - dam pa'i chos pad ma dkar po zhes bya ba theg pa chen po'i mdo
S142 - de bzhin gshegs pa'i mtshan brgya rtsa brgyad pa