| e-texts navigator |
| བོད་ཡིག |
272a1 yang dag par 'das pa ste/ de bzhin du chos thams cad kyang de dang 'dra bar blta bya'o// klu'i rgyal po rgya mtsho'i bstan pa 'di bshad pa na/ byang chub sems dpa' nyis brgyas mi
272a2 skye ba'i chos la bzod pa thob par gyur to/ / dge slong nyis brgya ni len pa med par zag pa rnams las sems rnam par grol lo// de nas bcom ldan 'das la/ rgyal po ma skyes dgras 'di skad ces
272a3 gsol to/ / bcom ldan 'das klu'i rgyal po rgya mtsho'i spobs pa ni ngo mtshar lags so// bcom ldan 'das kyis bka' stsal pa/ rgyal po chen po 'di'i spobs pa ni ngo mtshar yang mi che la/ dka' ba yang ma yin gyi/ las
272a4 dang po pa gang dag gis bstan pa 'di thos na/ mi skrag mi dngang dngang bar mi 'gyur ba 'di ni de dag gi ches ngo mtshar ba dang / ches dka' ba yin no// de ci'i phyir zhe na/ sangs rgyas bcom ldan 'das rnams kyi byang
272a5 chub ni de ltar mos par dka' ba ste/ de la ni lha dang bcas pa'i 'jig rten 'jug par mi 'gyur/ 'gro bar mi 'gyur/ mos par mi 'gyur/ yid ches par mi 'gyur ba'i phyir te/ rgyal po chen po rnam grangs
272a6 'dis kyang gang dag chos zab mo bstan pa 'di la mi skrag mi dngang zhing dngang bar mi 'gyur ba'i sems can de dag ni/ sangs rgyas mang po la bsnyen bkur byas pa yin par de ltar rig par bya'o// rgyal po
272a7 chen po gzhan yang 'di ji snyam du sems skyes bu gang gis nam mkha' gzugs can ma yin pa bstan du med pa 'di ni/ gzugs can du ston par byed na/ ci de dka' bar byed pa yin nam/ gsol pa/
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo