| e-texts navigator |
| བོད་ཡིག |
263b1 mkhyen nas de bzhin lung yang bstan/ / sman pa rab mchog bde sbyin sdug bsngal kun las grol bar mdzad la phyag 'tshal lo// gnas dang skyabs dang dpung gnyen skyob pa 'jigs pa rnams la 'jigs//
263b2 med sbyin mdzad pa'i// rgyal ba lam mchog dam pa ston mdzad lam ngan yongs su sbyong la phyag 'tshal lo// 'jig rten rnam par gzigs la mkhas pa 'jig rten 'das pa'i 'dren la phyag 'tshal lo//
263b3 'dir na lha dang mi rnams gang dag sangs rgyas chos dang tshogs rnams thos pa dang // byang chub spyod cing byang chub bsam pa sems pa de dag brnyed pa legs par rnyed// de dag la ni ngan song ngan 'gro'i 'jigs
263b4 ba med de mi khom brgyad las yongs su grol/ / de dang de dag lha dang mi yi bde ba nges shing zhi ba'i go 'phang thob// de nas bcom ldan 'das la/ klu'i rgyal po rgya mtsho'i bu mthong dgas
263b5 'di skad ces gsol to/ / bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma lags pa
263b6 mang po dag gis ni/ de bzhin gshegs pa la mchod pa bgyis lags na/ gal te bcom ldan 'das kyis bdag la gnang ba mdzad na/ bdag gis kyang / de bzhin gshegs pa la/ mchod pa'i las
263b7 cung zad tsam 'tshal te/ bdag gis bcom ldan 'das zham ring ba dang bcas par rnam par rgyal byed dang 'dra ba'i bkod pa chen po'i khang bzangs kyi nang du bzhugs par gsol la/ bya rgod kyi phung
iiif viewer powered by OpenSeadragon
Texts on this page
S135 - 'phags pa klu'i rgyal po rgya mtshos zhus pa zhes bya ba theg pa chen po'i mdo